Erantzukizuna eta zuhurtzia Laudioko jai-kultur ekitaldietan

Laudio udaleko adierazpen instituzionala

2020ko ekainaren 26an Laudio Udalaren Bozeramaleen Batzordeak aho batez

ERABAKI DU:

Erantzukizuna eta zuhurtzia Laudioko jai-kultur ekitaldietan

COVID-19k eragindako osasun-larrialdiaren ondorioz, eta laudioar guztien segurtasuna bermatzeko gomendioekin jarraituz, Laudioko Udalak bertan behera utzi du herriko jai eta jai-ekitaldi guztien antolaketa.

Egungo zirkunstantziek eta indarrean dauden osasun- eta segurtasun-neurriek ez dute aukerarik ematen formatu handiko ekintzak edo jarduerak egiteko, baldin eta masifikazioak edo aglomerazioak eragiteko arriskua badute, edo segurtasun-neurriak espazio publikoan edo pribatuetan mantentzea ezinezkoa bada.

Hala ere, Laudioko Udalak herriko hainbat eragilerekin lanean jarraitu du eta jarraitzen du, formatu txikiko ekitaldi ludiko-kulturalak antolatzeko 2020ko udan eta udazkenean, betiere esparru eta espazio kontrolatuetan, pilaketak saihestuz eta indarrean dauden osasun- eta segurtasun-neurriak betez eta betearaziz. Udalak ez du pizgarririk, baimenik edo laguntzarik emango jende-pilaketak dakartzaten edo gure bizilagunentzat arriskutsuak izan daitezkeen ekimenetarako.

Testuinguru horretan, Laudioko Udalak berriz ere eskatzen die herritarrei eta kultura- eta jai-taldeei erantzukizunez eta zuhurtziaz joka dezatela eta segurtasun-neurriak bete ditzatela, egunez egun eta programatzen diren jai-ekitaldietan, guztion lana baita pandemia honen hedapena geldiaraztea.

Laudion, 2020ko ekainaren 26an.

Utzi erantzuna

Zure helbide elektronikoa ez da argitaratuko. Beharrezko eremuak * markatuta daude

This blog is kept spam free by WP-SpamFree.